Uani saqqummersitami takusinnaavatit Rusland’miit Canada’kkoorluni Nunatta kitaanut Tunuanullu qimusseq pillugu saqqummersitsineq. Qamutit tamarmik Sisimiuni 2016’mi Arctic Nomads event’mi sananeqarsimapput. Qamusiortut 18’t nunanit assigiinngitsunit arfineq marlunneersut qamusiornermi peqataapput.  Qamutit ilaat mikisunnguupput ilaallu angisuujullutik.  Angissusaasa assigiinngissutaat ersersippaat nunap najukkap pissusaannut ukiut ingerlanerini naleqqussarsimanerat.

Qamutit teknikki qanganisaq atorlugu sanaajupput, inuit inuuginnarnissaannut aalajangiisuusimasoq. Kisianni suli qamuteqalinngikkallarmat qimmit pigineqareersimapput. Kalaallit Nunaanni qamutit pisoqaa-nersaat Sisimiut kujataani qeqertami Nipisat’ni nassaarineqarsimapput, inuit Saqqaq kulturimeersut tamaa-ni najugaqarallarmatali. Alleroq Nipisat’neersoq maani katersugaasivimmi sungaartumi takuneqarsinnaa-voq.

Ukiuni makkunani nunatsinni qimusseqarniarneq qimmeqarniarnerlu teknologi’mit nutaajusumit soorlu snescooterinit tatineqartorujussuuvoq, - qimmillu ikiliartuinnarlutik, -  taamaasilluni qamusioriaatsit qanganisarujussuit annaaneqariaannaallutik . Qamutit takussutissaapput  qimusseriaasitoqqamut, inuk nunamut naleqqussarsimalluni , qimmillu atortorissaarutit nutaat atorlugit uumaannarsinnaasimallutik.

Una saqqummersitsineq saqqummersitsinissamut anginermut siulliuvoq kalaallit qimmiat pillugu ilisimatusarnikkut siammarsaanikkullu nunarsuaq tamakkerlugu pilersaarusiamut  QIMMEQ pillugu saqqummersitsinissamut.