Bethel-ip Oqaluffia, aamma oqaluffitoqqamik taaneqartartoq, Kalaallit Nunaanni nutaannginnersat kusanarnersallu ilagaat. Oqaluffik kalaallit ilagiivinit nammineq napparneqartuni siullersaavortaaq - arferit orsuinik akisoqisunik nappartanik 60-inik akilerneqarnikuulluni. Illu quassuttuunik katiteriaannarnik sanaajusoq Københavnimit umiarsuarmik nassiunneqarpoq, 1775-imilu atoqqaarfissiorneqarluni. Piffissap ingerlanerani oqaluffik arlaleriarluni allanngortiterneqarpoq, 2003-imi silatimigut kiisalu 2016-imi iluatungaatigut sanaqqaarneratut isikkulerlugu iluarsartuunneqarpoq. Illu allanngutsaaliugaavoq. Illup iluata iluarsartuunneqarneranut Den AP Møllerske Støttefond aningaasaliiffigineqarpoq.
2016-imi iluarsartuunneqarnerani Chroma film malinnaavoq: Filmi takuuk
Illu 2017-imi apriilip 28-ani katersugaasivittut ammarneqarpoq, kalaallit upperisaasa kristumiullu naapinneranik saqqummersitsiviulluni. Saqqummersitsinissamut suliniut Augustinus Fonden-imit kiisalu Knud Højgaards Fond-imit aningaasaliiffigineqarpoq.
Tusagassiuutini saqqummersinnera: Politiken, Sermitsiaq.AG