Kangerlussuup Katersugaasiviani Kalaallit Nunaanni UNESCO Nunarsuarmioqatigiinnut kingornussassatut allattorsimaffianni sumiiffiit pingasut pillugit atuarsinnaavutit, Aasivissuit-Nipisat, Ilulissat Kangerluat, aamma Kujataa. Aasivissuit-Nipisat sumiiffianni nunap assinga atorsinnaavat, tassanilu kinguaariinni nuna qanoq atorneqartarsimanersoq pillugu najugaqavissut oqaluttuaat tusarnaarsinnaavatit. Tamakku saniatigut ukiup kaajallannerata ilisarnaatai pillugit Miki Jacobsennip eqqumiitsuliaa kusanarluinnartoq qimerloorsinnaavat. Qalipagaq 430x180 cm angissuseqartoq, piviusumik takullugu ilusilersorluagaanerminik tiguaasoq misigisassaqqissoq.