Guidelines for Sisimiut og Kangerlussuaq Museum

• Katersugaasiviup ammasarfii – tunngaviisigut – ataqqineqassapput. Aasaanerani ammarsarfii aallartittarput junip 1-aniit septembarip 30.-ata tungaanut. Ukiuunerani ammarsarfiit aallartittarput oktobarip 1-aniit, majip 31.-at Ilanngullugu. Ammarsarfiit nalinginnaasut avataatigut, inniminneereernermi, ulluinnarni nal. 8.00 aamma 16.00 akornanni, nalunaaqutap akunnerisa aallartinneri tamaasa 200 kr.-nik akeqarpoq ulluinnarni. Nal. 16.00 kingorna aamma weekend-ini 400 kr.-qarluni. Immikkut ammaatitsiniarnermi katersugaasivik attavigineqassaaq uunga; sismus@qeqqata.gl.

• Sisimiut aamma Kangerlussuup Katersugaasiviisa, takornarialerisut katersugaasivimmut pulaartitsiniartut, katersugaasivimmut nalunaaruteqassapput, minnerpaamik pulaarnissaq sapaatip akunneranik sioqqullugu, pulaarniartut qassiuneri nalunaarutigalugit. Takornarialerisut pulaartitsiniartut uunga mail-ikkut nalunaassapput; sismus@qeqqata.gl / imaluunniit katersugaasiviup pisortaata mail-ianut; doko@qeqqata.gl, inuit qassit peqataaniarnersut ersarissumik nalunaarutigalugu, sapinngisamillu taamaatitsiniarnermik allannguinissamilluunniit nalunaaruteqartassapput akunnernik 24-inik sioqqutsillutik, katersugaasivimmi sulisut eqqarsaatigalugit.

• Perusuersarfiit katersugaasivimmut akiliillutik pulaartunuinnaq atoqqusaapput. Perusuersarfiit B23-mi inissisimasut atorniaraanni 5 kr.-inik akeqarpoq. Allat illoqarfiup qeqqani perusuersarfinnut tamanut ammasunut innersuunneqarput.

• Allatut allaqqasoqanngippat katersugaasivimmi saqqummersitat attoqqusaanngillat.

• Katersugaasiup touchscreen-ia, TV-a aamma iPads-ii pinnguaanngillat, saqqummiussinermi atortuupput. 

• Politikkikkut imaluunniit Aningaasarsiutinut tunngasunut assiliisoqaqqusaanngilaq filmiliortoqaqqusaananilu, taamattaaq inuttut inuussutissarsiutitigut imminut saqqummiussinissamut, inunnut paasissutissanut ilersuinissaq peqqutigalugu

• Tamatumalu saniatigut assit ataasiakkaat assileqqusaanngillat, piginnittussaatitaanermut malittarisassat eqqarsaatigalugit.

• Katersugaasivimmut pulaartut allat eqqarsaatigalugit, inunnullu paasissutissanut illersuinissamut inatsit eqqarsaatigalugu, selskab-it tunisassiortut, ussassaarutiliortartut imaluunniit assiliisartut, katersugaasivik atorlugu suliaqarniartut, katersugaasiviup pisortaanut taamaasiornissamut kissaateqarlutik email-ikkut saaffiginnissuteqassapput. Tamanna aamma inunnut, katittunik imaluunniit mutinik assiliiniarlutik katersugaasivimmik atuerusuttunut atuuppoq. Saqqumersitat ASSILEQQUSAANNGILLAT - katersugaasivik isumaqatigiissuteqarfigisimanngikkaanni.

• Katersugaasivimmi nereqqusaananilu imeqqusaasoqanngilaq, sioqqutsilluni allatut isumaqatigiissusiorsimanngikkaanni.

• Qimmit uumasuutigisallu allat katersugaasivimmut nassaqqusaanngillat, katersugaasivimmut pulaartut allat eqqarsaatigalugit.

• Kamippaat quaannaveeqqutilikkat saqqummersitsivimmi atoqqusaanngillat

• Katersugaasivimmi eqqaanilu pujortartoqqaqqusanngilaq. Katersugaasiviup eqqaani ikumaartitsisoqaqqusaanngilaq, katersugaasiviup eqqaani immikkut ittumik aaqqissuussamik ingerlatsinissamut qatserisartut isumaqatigiissusiorfigisimanngikkaani.

• Tillinniarnerit, aserorterinerit imaluunniit qunusaarinermik pissusilersornerit ingerlaannartumik anisitaanermik iseqqusaajunnaarnermillu kinguneqassapput, politinut nalunaarutigineqarlutillu taarsiisoqarnissamik piumasaqaateqartoqarsinnaavoq. Sulisut peqqussutaat malinneqassapput, anisitaanerillu pisinnaapput sioqqutsilluni kalerriinngikkaluarluni.

• Sisimiut katersugaasivianni inunnut pulaartunut killilersuuteqarpoq, pulaartut ataatsikkut isersimasinnaatitaasut 167-inut killilerneqarlutik, illunut 7-nut agguataarlugit. Qatserisarfimmut isumaqatigiissusiornermi assersuutigalugu, Berhel-ip Oqaluffiani inuit 50-it isersimasinnaallutik, illut eqqissisimatitaasut katersugaasiviullu pigisai illersorniarlugit, init isersimaffiit mikimmata. Illut saqqummersitsiviit allat soorlu B23 pulaanik 30-iinnarnik ataatsikkut isersimaffigineqarsinnaapput