Inersimasunngorluni meeraanermi aanaakkunni toqqissisimasarneq eqqaamanartarpoq. Eqqumiitsuliaq aanaanit kingornussat aanamalu immiussai atorlugit suliaavoq.

Aanaga oqaluttuanik katersisuuvoq, pulaartuni immiussiveerannguaminik immiuttarlugit. Båndiutai tamaasa paaraakka tusarnaarnerinilu allaaneq ajorpoq sofaanni issialluni, kaagerarsunnialaaq kaffisunnialaarlu naamaatigalugit, pulaartoq oqaluttuartoq tusarnaarusaarlugu.

Sisimiuni saqqummersinneqarnera ”Niuertup illuani” pissaaq, taanna Katersugaasiviup ilagaa. Ini tikkalu saqqummersitsinermut uungarpiaq tulluaqiissaarpoq.

Aananit kingornussat natermut inissinneqassapput, iikkamiigatik qilaamilluunniit nivinganatik. Natermiinnerini mianernarneri ersersinneqassapput – soorluttaaq eqqaamasagut mianernartuusut.

- Arnajaraq Støvlbæk