2017’mi katersugaasivimmi aasaanerani saqqummersitsinissaq amerikkarmiup eqqumiitsuliortup  Rockwell Kent’p assilisaanik qanganitsanik imaqassaaq. Kent’i 1930’kkunni Kalaallit Nunaanni najugarsimavoq, ilaati-gut aamma Sisimiuniissimalluni. Kent’i assut Kalaallit Nunaat tiguartiffigisimavaa kingusinnerusukkullu USA’mi oqaligiariartortarlunilu assiutini saqqummersittarsimavai. Tamatuma nalaani Kalaallit Nunaat nuna inunnut amerlanernut matoqqasuusimavoq  - nutarsaanerlu aatsaat aallarteruttulersimalluni.

Taamanikkut ullumikkullu pissutsit assersuuniarlugit Rockwell Kent pillugu pilersaarummik  isumassarsisuu-simasoq amerikkarmiu proffessori Denis Defibaugh Kent’ip tikinnikuusai tikeraarsimavaai.  Naak Kent’i Defibaugh’ilu assilisaat piffissakkut nikingagaluaqisut – marluullutik takutippaat Kalaallit Nunaat nammin-neq isiminniit. Saqqummersitsinermi aamma Kalaallit Nunaat ”nammineq isaanniit”. Sisimiuni inuusuttut 2016’mi Defibaugh ilagalugu assiliisaqattaarsimapput, Sisimiormiut namminneq isaanniit assilisat.

Saqqummersitsineq Defibaugh’p Sisimiut Katersugaasiviat Ilisimatusarfik’llu suleqatigiinnerisigut ingerlan-neqarpoq naggueqarlunilu USA’mi   National Science Foundations Arctic Social Science Program’mit taper-sersorneqartumit.

Pilersaarut, ima atilik:  Rockwell Kent and Early 1930s Greenland: A Comparative View of Environmental, Social and Cultural Change in Contemporary Greenland, inuit nunani tamalaaneersut Ilisimatusarfik’miillu inuit marluk Jette Rygaard Axel Jeremiassen’nilu, USA’meersullu inuit marluk Deni Defibaugh   Rochester Institute of Technology’meersoq aammalu Susan Vanek Binghampton University’meeersoq. Pilersaarut pillugu ilisimatuut Uuummannaq, Nuuk Illorsuit’llu tikeraarsimavaat.