Immikkoortortap oqaluttuassartaa

Immikkoortumi assaanermi palæo-inuit immikkoortumiissimanerinik takussutissaqarpoq – pingaartumik Aasivissuit aasarsiortarfissuup eqqaani.

Sumiiffik sakkutooqarfiusimaneranik oqaluttuassartaanik assit aviisitigullu saqqummersitat takussutissiipput. Sorsunnersuup aappaata nalaani mittarfik amerikkarmiunit pilersinneqarpoq, pilersinneqarnermini sakkutuut timmisartuisa USA-mit Europa-mut angalanerminni mikkallarfissatut siunertaasimavoq. Kingornalu Sorsunneq Nillertup nalaani amerikkarmiut Sermersuarmi DYE radareqarfiinut Kangerlussuaq mittarfik pilersuivittut atorneqalerpoq. Kangerlussuarmit timmisartorsuit Hercules-it DYE, amerikkarmiut raketsit atorlugit illersornissamut sakkutooqarfianut ilaasumut, inuttalersukkanut uulianik allanillu assartuutaasarsimapput.