Sisimiuni 1700-kkunni upperisarsiornerit naapinnerat

2017-ip upernaavani Bethel-ip oqaluffia tungujortoq nutarsaqqammereerluni, ataavartumik nutaamik saqqummiiviulluni katersugaasivimmit ammarneqarpoq. Qarasaasiatigut saqqummersitsinermi angakkoq ajoqersuiartortitarlu akunnattoorutit assigiinngitsut pillugit, aperisinnaavatit isumasiorlugillu. Qanorli iliornissannut assigiimmik akineqassanerpit?. Touchbordet-i (toortagaq) atorlugu Kalaallit Nunaanni qangaanerusoq upperisaq, ajoqersuiartortitsineq kiisalu Bethel-ip oqaluffiata oqaluttuassartaa pissanganartoq pillugit paasisassarsiorfigisinnaavatit.

Saqqummersitanittaaq 1773-imi Kalaallit oqaluffimmik noqqaallutik allagaat, qallunaat aviisianni naqinneqarsimasoq atuarneqarsinnaavoq. Allakkiami Sisimiuni innuttaasut oqaluffittaarumallutik qinnuteqarsimapput, oqaluffissamullu arferit orsuannik nappartanik 60-inik København-imut akiliutissaminnik nassiussisimallutik. Kalaallit Nunaanni oqaluffik kalaallit ilagiinnit nammineq akilerneqarsimasoq siullersaavoq.

Oqaluffitoqqap iluarsartugaanera aningaasaateqarfik A.P. Møllerske Støttefond-imit aningaasaliiffigineqarpoq, saqqummersitsinerillu Augustinus Fonden-imit, Knud Højgaards Fond-imiillu aningaasaliiffigineqarlutik.