Qimmeq: Kalaallit qimmiat
Greenland Perspectives ataani kalaallit qimmiat pillugu ilisimatusarnermut paasissutissiinermullu suliniummut Qimmeq-mut Sisimiut Katersugaasivia ilaavoq, suliniut Velux Fonden-imit 2016-imi katersugaasiviit pillugit suliniuteqarfianit kiisalu Aage og Johanne Louis Hansens Fond-imit aningaasaliiffigineqarpoq.
Suliniutip aallartisarneranut 2016-imi decembarimi Sisimiuni ataatsimeersuartoqarpoq, oqalugiarnernik, ataatsimiinnernik minnerunngitsumillu nunani issittuni tamani qamusiornermik imaqartumik. Tamatuma kingorna qamutit Sisimiut katersugaasivianut tunniunneqarput, aasaaneranilu saqqummersinneqarlutik.
Kalaallit Nunaani Katersugaasiviit allat peqatigalugit, Katersugaasivik saqqummersitassanut ingerlaartunut suleqataavoq. Nuna tamakkerlugu Qimmeq-suliniummit paasissutissat siammerterneqarlutik, saqqummersitsinerit Kalaallit Nunaani Katersugaasivinni ingerlaarlutik saqqummersinneqartassapput. København-imi Statens Naturhistoriske Museum suleqatigalugu, Kalaallit Nunaanni meeqqanut atuartunut Qimmeq pillugu paasissutissanut atortunik suliaqartoqassaaq.