Katersugaasiviup illuutai

Sisimiut niuertoqarfiunerata nalaanit illuutigineqartuni, Sisimiut katersugaasivia inissisimavoq. Illut 1700 aamma 1800-kkunneersut allanngutsaaliugaapput, illoqarfiullu oqaluttuassartaanik ineriartorneranillu ersersitsisuullutik. Illut qangaanerusut quassuttuunik sukanillu katiteriaannarnik sanaartukkat, Danmarkimi sanaartorneqariarlutik nassiunneqannginnerini isaterneqartarput, taamaalillutillu umiarsuarmik kalaallit Nunaannut assartorneqariarlutik katiterneqaqqittarlutik. Sisimiut Katersugaasiviata illuutai arlallit ataasiaannaratik nuunneqartarsimapput.

Illut tamarmik sumiiffianut attuumassuteqartumik illup normuata saniatigut B-normoqarput (sanaartukkat normua).