Oqaluttuarisaaneq

Ukiut tuusintillit arlaqartut ingerlanerini, Sisimiut immikkoortuani inuit najugaqartarsimapput. Piffissami 2.400-500 miss. Kr.in.s. Saqqarmiut qanga inuit angalasartut immikkoortumi nunasisimapput. Tamatuma kingorna Dorsetkulturimeersut ukioq 0-ip missaata tungaanut, Kalaallit Nunaata kitaa sinerlugu nunasisimallutik. Thulekulturillu, ullutsinni kalaallit innuttaasunut siuaasaasut, 14-1500-kkunni nunasinissaata tungaanut immikkoortoq inoqarfiusimanngilaq.

Illoqarfik Sisimiut 1756-imi qallunaat niuertoqarfiattut tunngavilerneqarpoq. Niuertoqarfik Ukiivik-mmi (Sydbay), Sisimiut avannaatungaani, siullermik inissisimaqqaarsimavoq, piniagassalli niuernissamullu periarfissat ajornarsimmata, sanaartukkat Kangerluarsunnguup eqqaanut maannakkut inissisimaffiusumut, 1764-imi nuunneqarput, taamaalillunilu ajoqersuiartortunut siulittaasuusoq Grev Holstein-i atsiullugu Holsteinsborg-imik taaguuteqarlersinneqarluni.