Piniartumit sulisartumut

Sisimiut umiarsualiviat ukioq kaajallallugu sikuneq ajorpoq, nunap timaatungaalu Kalaallit Nunaanni sikujuitsuni anginersaalluni. Pinngortitami pissutsit patsisaallutik, nunap timaa piniarfissaqqissorujussuuvoq, tamannalu patsisaalluni inunnit arlaqartunit ornigarneqartarluni. 1900-kkunni Sisimiut suliffissuaqalernermut ikaarsaarnermi siuttuusimavoq, ilaatigut ilinniarnissamut neqeroorutinik arlalinnik pilersitseqataasimalluni, maannamut suli illoqarfimmut malunnaateqartumik.

Niuertup illorsuata qaliani saqqummersitani, ilaatigut issumik illuliat kiisalu tupit ukiunik 100-nik pisoqaassusillit assilineri takuneqarsinnaallutik. Tassani aamma takuneqarsinnaavoq qamutilik arfanniut alutornarluinnartoq kiisalu Sisimiuni aalisakkerivitoqaq umiatsialiorfitoqarlu, Kalaallit Nunaanni siullersaalluni pilersinneqartoq mikisunngorlugit saqqummersitat.