Saffiorfik sannavillu 1900 missaaneersoq

Saffiorfik (B-54) 1900-kkut aallartinnerani imaluunniit 1800-kkut naalernerani Den Kongelige Grønlandske Handel (ullumikkut KNI) saffiorfiatut napparneqarpoq. Illu Kalaallit Nunaanut atatillugu immikkuullarissuuvoq, kingusinnerusukkullu sannavittalerlugu allilerneqarnikuulluni. Saffiorfik ujaqqanik illuliaavoq, ullumikkut Sisimiut suliffissuaqarfittut ineriartorsimasutut oqaluttuassartaanik takussutissiilluni, saffiorfimmi sakkunik saqqummersitsiviuvoq[link]. Sannavitoqaq ullumikkut katersugaasiviup sannaviattut suli atuuppoq.