Bethelip Oqaluffia 1775

Sisimiuni oqaluffik siulleq Bethelip oqaluffia (B-114), Oqaluffik Tungujortutut aamma ilisimaneqartoq, Kalaallit Nunaanni oqaluffinni siullersaalluni kalaallit ilagiinnit nammineq akiligaavoq. 1771-imi illu Københavnimut piniagaavoq, nappartanik 60-inik arferit sisamat orsuinik immikkanik akiligaalluni. Københavnimi immikkoortui normulersorlugit napparneqaqqaarpoq. Tamatuma kingorna isateriarlugu poortoriarlugulu, umiarsuakkut Kalaallit Nunaannut nassiunneqarluni. 1773-imi atuutilertussanngorlugu napparneqarnissaa pilersaarutaasimavoq, taamaattumillu ulloq taanna oqaluffiup napasuliaani allassimalluni. Silarlunnerali patsisaalluni umiarsuaq Norge-mi ukiisariaqarsimavoq, 1773-imilu oqaluffik Nunasiaasumut Holsteinsborg-imut (kingorna Sisimiut) apissimmat, oqaluffiup napparneqarnissaanik kinguartitseqqittumik nappaalernersuaqalerpoq. 1775-imi sanaartugaq aatsaat atoqqaartinneqarpoq. Qarasaasiatigut saqqummersitsinermi 1700-kkunni qallunaat ajoqersuiartortut kalaallillu angakkut naapinneqarsinnaapput.